لانشون الفراخ المدخن البيتي 😋

المقدار ده بيعمل كميه حلوه
نجيب بقي الاربع بيضات وفي الكبه او الخلاط واتنين مكعب ماجي وربع كوبايه زيت ومعلقتين خل وتضربيهم كويس ومعلقه بصل بودر وتوم بودر وفصين توم مفروم ناعم جداااا ونص فلفل اسمر وحبهان وجنزبيل واضربيهم كويس وتلاته جبنه لافشكيري او كيري برحتك وبردوا تضربيهم مع الخليط

وتجيبي ربع كيلو صدور فراخ مفرومه ناعم اوي تعتبر زي العجينه وتضفيها للخليط وتلت معالق الدقيق ومعلقة النشا ونضرب كل المكونات كويس قوووي ونحط سنة ملح لان المرقة مملحة

ونحط الخليط في كيس لبن رفيع ونقفل الكيس جامد ونحاول يكون الكيس مش مليان قوووي ونلفه في ورق المونيوم وجررري علي حلة فيها ماية مغلية ونسبها حوالي ساعة الا ربع بيكون استوي

نيجي بقي للتدخين تجيبي فحم والع وتجيبي طبق فية عسل اسمر ومعلقة سكر ومعلقة زيت ومعلقة شاي عادي وتقلبيهم كويس وتخطي الخليط دا علي الفحم

ونجيب شبكة ونحطها فوق الفحم ونحط الانشون علية ونقلب من كل الجهات

وبقي عندنا احلي لانشون بيتي مدخن بدون مواد حافظة ونظافة ممكن تكون الخطواط كتير بس يكفي انة مضمون وصحي