Dark Light
7 وصفات طبيعية قديمة

7 وصفات طبيعية قديمة

7 وصفات طبيعية قديمة

كلنا عارفين ان زمان كان الاعتماد كله على الوصفات الطبيعية في علاج مشاكل البشرة والشعر, والوصفات اللي بالمكونات الطبيعية من الحاجات اللي ليها تأثير فعال في علاج كتير من المشاكل وفي نفس الوقت مش مكلفة, والنهاردة من خلال موضوعنا هنقولكم 7 وصفات طبيعية للشعر من وصفات جداتنا القديمة.

وصفات طبيعية للشعر:

1- البيض لشعر ناعم وصحي:

المكونات:

2 – 3 صفار بيض “حسب كثافة وطول شعرك.

1 معلقة كبيرة زيت زيتون.

2 – 3 نقط من زيت فيتامين E.

طريقة التحضير:

في بولة صغيرة اضربي صفار البيض بالشوكة, وبعدين ضيفي له زيت الزيتون وزيت فيتامين E, قلبي المكونات كلها مع بعض كويس, وبفرشة ابدأي وزعي الخليط على الشعر كله من الجذور للاطراف, ابدأي الاول على فروة الراس وبعدين وزعيه على باقي الشعر للاطراف, سيبي الماسك على الشعر لمدة من 15 – 20 دقيقة, وبعدين اغسلي شعرك بالمية الباردة والشامبو.

وصفات طبيعية للشعر
وصفات طبيعية للشعر

2- البنجر لوقف تساقط الشعر:

المكونات:

مليء الكف  من ورق البنجر.

كوباية مية.

طريقة التحضير:

اخلطي المية مع اوراق البنجر واغليهم مع بعض على النار, لحد ما يتكون عندك عجينة سميكة, وزعي الخليط على الشعر وفروة الراس, ابدأي من فروة الراس وبعدين وزعيه على الشعر لحد الاطراف, سيبي الماسك على الشعر لمدة 30 دقيقة, وبعدها اغسليه بالمية الباردة.

وصفات طبيعية للشعر

3- الموز لعلاج تلف الشعر:

هاتي 2 – 3 موزات حسب كثافة وطول شعرك, اهرسي الموز كويس جدا بالشوكة لحد ما يبقى ناعم تماما ومافيش فيه اي كتل وممكن تضربيه في الخلاط لحد ما يبقى شبه الكريم, وزعي الموز على الشعر ابدأي من فروة الراس وبعدين وزعيه على باقي الشعر لحد الاطراف, سيبيه على الشعر لمدة 30 دقيقة, وبعدين اغسلي شعرك بالمية الباردة والشامبو.

وصفات طبيعية للشعر

4- خل التفاح لتنضيف فروة الراس وعلاج قشرة الشعر:

اخلطي كميات متساوية من خل التفاح والمية الفاترة, حطي الخليط على الشعر ابدأي من فروة الراس ودلكيه كويس لمدة من 4 – 5 دقايق وبعدين وزعيه على الشعر كله لحد الاطراف, وبعدها اغسلي شعرك بالمية الباردة.

وصفات طبيعية للشعر

5- بذور الحلبة لعلاج تساقط الشعر:

المكونات:

2 معلقة كبيرة من بذور الحلبة.

كوباية مية.

طريقة التحضير:

ضيفي بذور الحلبة لكوباية المية وسيبيها منقوعة ليلة كاملة, تاني يوم صفي البذور من المية واطحنيها كويس جدا لحد ما تتكون عندك عجينة ناعمة, وزعي العجينة على الشعر من اول فروة الراس لحد الاطراف, سيبي الماسك لمدة 30 دقيقة, وبعدها اغسلي شعرك بالمية الباردة.

6- عصير البصل لعلاج تساقط الشعر:

هاتي من 2 – 3 بصلات حسب طول وكثافة شعرك, ابشري البصل واستخرجي منه العصير بتاعه, حطي عصير البصل على الشعر من الجذور للاطراف, سيبيه على الشعر لمدة من 20 – 30 دقيقة, وبعدها اغسلي شعرك بمية فاترة.

7- اوراق املا لتقوية الشعر:

المكونات:

2 – 3 معالق كبيرة من زيت جوز الهند.

اوراق املا مجففة “هنلاقيها عند العطار”.

طريقة التحضير:

في طاسة اخلطي زيت جوز الهند مع شوية من اوراق املا المجففة, حطي الخليط على النار وسيبيه لحد ما يتحول للون الاسود, بعدين سيبيه يبرد, بعدها حطي الماسك على الشعر من الجذور للاطراف, سيبيه على الشعر لمدة 30 دقيقة, وبعدها اغسلي الشعر بالمية الفاترة.

thecastleshop

facebook

X